Paroles de Tan la ka defiléInterprétées par NicyIntro/Outro :
La vi tro rèd pou an rété la ka palé pawol blabla…
Ou anvi gaché, si ou anvi emprunté vwa a diab la…
La vi tro kout pou an pèd tèt an mwen si ti lélé banga…
Bondié la ka ban mwen foss la…
Yeah
Tan la ka pasé
On sèl vi paka ni asé
An lasé
Bon moun ka fèw pèd tan é ka jakasé
Evè bondié an yé èvè chimin an mwen ja trasé
Dè tou sa ki mové an vi an mwen kè’an té vé chasé
Pass… Tan la ka filé vit
An vlé pa fin’ ka suiyé vit
Pon moun…
Paka atann pon moun
Tout moun vlé rivé vit
Pon moun…
Paka an plan a moun
Tout moun vlé méné chif
Yo ké fok vou pou fè bénéfis (counia manmanw’)
Mè an pa janmè tou sèl
Pas i toujou la èvè mwen ka voyé signe èvè limiè pou an trouvé chimin an mwen
E minm lè an tou sèl
A dé èvè conscience an mwen la ka douté séy ki ka re ban mwen tout confiance an mwen
An pa jan tou sèl
An ka santi prézans ay
Minm si an poko vwèy an dako ay an sans ay
An pa jan tou sèl
I ka ban mwen ti bwen an foss ay
An kon tout moun an fèt a imaj ay
Refrain (bis):
Tan la ka défilé i pa ka atann nou
E nou pa jan sav dèmin ka ki kay atann nou
Lè nou bizwen èd syèl bondié la ka tann nou
I ka édé nou fè fass o pièj yo ka tann nou
Chimin an nou trasé sé ligne droite sé douvan
Nou sav ola nou soti, nou pa soti adan kouvan
Nou fè sa nou té ni a fè é nou pa fèy an koud van
Nou poté gam an nou minm si dé fwa sa té éprouvan
Nou tann yo ka palé si nou sa té émouvan
Gras a bondié nou ansowti nou bien souvan
Ka fè mizik paskè sa kon sours de jouvans
Ka lagé tune paskè sé swa chan ou dans
Sa péké sèviw ayen dè ay pléré penn ba la chans
Lontan li dévenn ka véyéw pou yo baw koud lans
An butasyon ou pa vwè lontan fo i pran vakans
Lé favè ké diw « de toi je m’en balance !»
Sé pou sa alè la an ka prévwa à l’avans
An ki jan mwan fè sou mwan pé fè dé gross dépans
Dès qu’je peux sur le terrain je m’avance
E si an tchouyé on mamout sé pé ké pou lé défans
I pa ka atann nou
E nou pa jan sav dèmin ka ki kay atann nou
Lè nou bizwen èd syèl bondié la ka tann nou
I ka édé nou fè fass o pièj yo ka tann nou
Refrain
Outro
Tan la ka défilé i pa ka atann nou
Bondié la ka ban mwen fos la…
E nou pa sav dèmin ka ki kay atann nou
Bondié la ka ban mwen fos la…
Tan la ka défilé i pa ka atann nou
…
Man nicy dèyè mik la
Lè nou bizwen èd syèl bondié la ka tann nou
Bondié la ka ban mwen fos la… (pa kouri) |
![](images/invisible.gif) |
Connectés : 0 membres et 156 visiteurs |
![](images/invisible.gif) |
![](images/invisible.gif)
|